Aqmola oblysynda polıtsııa qyzmetkeri zańsyz qaban atqan
30 qarashada reıd sharalary barysynda «Bulandy Meken» JShS qoryqshy qyzmeti «Elen» aýyl sharýashylyǵynyń Aqmola oblysy Ultýǵan aýyly aýmaǵy arasynda avtokóliktiń jaryǵyn baıqaǵan.
Osy avtokóliktiń izine túsý maqsatynda qoryqshy qyzmetkerleri kóliktiń jaryǵyn jaqpaı sáýlesi baıqalǵan jaqqa qaraı betteıdi. Jaqyndaǵan kezde qoryqshy qyzmetkerler avtókólikti toqtatty. Osy kezde avtókóliktiń jolaýshylar ornynan forma kıgen polıtsııa qyzmetkeri shyǵyp, qoryqshy qyzmetkerdiń avtokóligin toqtatýǵa áreket etken.
Qoryqshy qyzmetkerler ań aýlaý sharýashylyǵynyń aýmaǵynda polıtsııa qyzmetkeri ne maqsatpen júrgenin surastyrǵan kezde, naqty jaýap bere almaǵan polıtsııa qyzmetkeri avtokóligine otyryp izin sýytty. Ári qaraı qoryqshy qyzmetkerler polıtsııa kóliginiń izine tústi. Іz boıynsha 50 metr jerde oq tıgen eki qabannyń denesi tabyldy.
Osy fakt boıynsha 102 telefon nómirine habarlandy. Bulandy aýdanynyń ІІB jedel-tergeý toby, Aqmola mamandandyrylǵan tabıǵat qorǵaý prokýratýrasynyń qyzmetkerleri jáne Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasy ınspektorlary kelgen soń zańsyz ań aýlaý jerin qaıta tekserý nátıjesinde 12 kalıbrli gılza, oq tyǵyn konteıneri jáne artıllerııa oǵy tabyldy.
Atalmysh fakt boıynsha qujattar Bulandy aýdanynyń ІІB jiberildi. Tabıǵatqa keltirilgen zalal somasy 1 272 600 teńgeni qurady.