Aqmola oblysynda polıtseıler sýıtsıd jasamaq bolǵan jasóspirimdi raıynan qaıtardy
KÓKShETAÝ. QazAqparat - Aqmola oblysynda polıtsııa qyzmetkerleri sýıtsıd jasamaq bolǵan jasóspirimdi raıynan qaıtardy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha keleńsiz jaǵdaı 3 maýsymda Stepnogorsk qalasynda oryn alǵan.
«Bestóbe kentindegi polıtsııa bólimine 16 jastaǵy jasópirim qyzdyń sýıtsıd jasamaq bolǵany týraly aqparat tústi. Oqıǵa ornyna polıtsııa bóliminiń basshysy D.Aınageldınov, ıývenaldy polıtsııa tobynyń qyzmetkeri A.Ábenova, jergilikti polıtsııa qyzmetiniń ýchaskelik ınspektory S.Sultanǵazıev jáne I.Harchýk bardy. Qaraýsyz qalǵan bıiktigi 30 metr qazandyqtan sekirip ólmek bolǵan qyzben polıtseıler bir saǵat boıy sóılesip, aqyry raıynan qaıtýǵa kóndirdi.
Qazirgi kezde, jasóspirimniń jaǵdaıy turaqty jáne onymen psıholog jáne áleýmettik-pedagog jumys isteýde», - dep túsindirdi polıtseıler.
