Aqmola oblysynda pısıhıkalyq naýqas týberkýlez aýrýhanasynan qashyp ketti
KÓKShETAÝ. QazAqparat - Aqmola oblysynda pısıhıkalyq naýqas týberkýlezge qarsy dıspanserden qashyp ketti. Bul týraly oblystyq ІІD baspasóz qyzmeti habarlady.
«10 tamyzda Zerendi aýdandyq ІІB Aqmola oblystyq týberkýlezge qarsy dıspanserge josparly tekserýge jetkizilgen pıshıkalyq naýqas - Astana qalasynyń 28 jastaǵy turǵynynyń qashyp ketkeni týraly aqparat tústi. Aryzdanýshylardyń aıtýynsha 9 tamyz kúni tańǵy ýaqyt 09:00 shamasynda Aqmola oblystyq týberkýlezge qarsy dıspanserge josparly tekserýge jetkizilgen psıhıkalyq naýqas tekseristen keıin dárigerler men santıtarlardan orman ishine qaraı qashyp ketken. Qazirgi kezde onyń qaıda boı tasalap júrgeni belgisiz», dep kórsetilgen baspasóz qyzmetiniń habarlamasynda
Polıtseılerdiń málimeti boıynsha Alekseevka kentindegi Aqmola oblystyq psıho-nevrologııalyq aýrýhana qyzmetkerleri naýqastyń qashyp ketkeni týraly bir táýlik ótken soń ǵana habarlasqan.
Polıtseılerge belgili bolǵandaı 1987 jyly týǵan naýqas Aleksandr Palenıs Marınovka týberkýlezge qarsy aýrýhanasynan 2016 jyldyń 9 tamyz kúni Zerendi aýdany Alekseevka kentindegi Aqmola oblystyq psıho-nevrologııalyq aýrýhanasyna túsken.
Keıin osyndaǵy psıho-týberkýlez bólimshesine ornalastyrylyp, ózge naýqastar sııaqty em qabyldaı basstaǵan. Alaıda, 9 tamyz kúni tańǵy ýaqyt 09:00 shamasynda Aqmola oblystyq týberkýlezge qarsy dıspanserge josparly tekserýge jetkizilgen pıshıkalyq naýqas tekseristen keıin dárigerler men santıtarlardan orman ishine qaraı qashyp ketedi.
Sonymen qatar, onyń turaqty mekenjaıy joq, osyǵan deıin Astana qalasynda turyp, buryn sotty bolǵany da anyqtaldy.
Qazirgi kezde onyń Astana qalasynda turatyn týǵan týystary anyqtalyp, Astana, Qostanaı jáne Petropavl baǵytyndaǵy joldar meen kólikter tekserilýde. Іzdestirý sharasynda aqmola oblystyq ІІD, ІІB jeke quramy men qoǵam jáne ózge de kúshter tartylýda. Kórshi oblystardyń ІІD psıhıkalyq naýqastyń bet beınesi týraly málimetter taratyldy. Іzdestirý sharasy jalǵasýda.
