Aqmola oblysynda Pfizer vaktsınasynyń birinshi komponentin alǵandar sany 4373 adamǵa jetti

KÓKShETAÝ. QazAqparat - Aqmola oblysynda 4373 adam Pfizer vaktsınasynyń birinshi komponentin aldy, onyń 137 júkti áıel, 1115 bala emizetin jáne 3121 jasóspirim, dep habarlaıdy QazAqparat tilshisi.

Óńirdiń bas memlekettik sanıtarlyq dárigeri Aınagúl Mýsınanyń aıtýynsha, Aqmola oblysynda bes vaktsınanyń birinshi komponenti 333123 adamǵa egildi, bul tıisinshe halyqtyń 69,5 paıyzy jáne jalpy halyqtyń 45,3 paıyzy. Barlyq bes vaktsınanyń ekinshi komponentin 304556 adam aldy, ol egýge jatatyn halyqtyń jalpy sanynan 63,6 paıyzyn, al jalpy halyq sanynyń 40,9 paıyzyn quraıdy. Óńirde jyl basynan beri vaktsınatsııa qarqyny birshama artqan.

«Pfizer shyǵarǵan «Komırnatı» vaktsınasynyń alǵashqy dozasymen 4373 adam vaktsınalandy, onyń ishinde 137 júkti áıel, 1115 bala emizetin áıel jáne 12 jastan 17 jasqa deıingi 3121 jasóspirim bar. Ekinshi doza 2041 adamǵa egildi. Vaktsınaǵa jaǵymsyz reaktsııalar tirkelgen joq», - dep atap ótti óńirdiń bas memlekettik sanıtarlyq dárigeri.

Sonymen qatar, Aqmola oblysynda qazirdiń ózinde erikti negizde 23748 adam qaıta vaktsınatsııalandy.