Aqmola oblysynda paıdalanylmaǵan 1,5 mln gektardan astam jer anyqtaldy - prokýratýra

KÓKShETAÝ. QazAqparat – Aqmola oblysynda paıdalanylmaı jatqan 1,5 mıllıon gektardan astam jer anyqtaldy. Osy zań buzýshlyqtarǵa baılanysty quzyrly organdardyń atyna prokýrorlyq jaýap retinde akti engizildi, dep habarlaıdy QazAqparat tilshisi.

Aktini oryndaý nátıjesinde paıdalanylmaı jatqan kadastrlyq quny 1,8 mıllıard teńgeden astam, aýmaǵy 120 myń gektardan asatyn 170 jer telimi memleket qoryna qaıtaryldy.

«Jer telimin qaıtaryp alý – bul sońǵy shara. Bastapqy da jer ıelenýshige jerdi maqsatty túrde paıdalanyp, ıgerý sharalary týraly jazbasha eskertý jasalady. Osy rette, prokýratýra sharalarynyń nátıjesinde kadastrlyq quny 5,3 mıllıard teńge, aýmaǵy 657 myń gektar bolatyn 500 jer telimi ıgerile bastady», - deıdi prokýratýradan.

Vedomstvodan atap ótkendeı, eger jer uzaq ýaqyt ıegerilmeı jatsa, onda on aılyq mólsherde salyq salý jáne odan ári jerdi memlekettik qorǵa qaıtarý máselesi qaralýda. Sonymen birge, jer qaıtarylyp alynǵan jeke jáne zańdy tulǵalar jaýapsyz jer paıdalanýshylar tizilimine alynady. Bul olardyń keıin qaıtara jer alý múmkindigin joıady. Paıdalanylmaı jatqan jer telimderin anyqtap, memleketke qaıtarý boıynsha jumystar odan ári jalǵasýda.