Aqmola oblysynda páterden 1 mıllıon teńgeniń múlkin tonaǵandar ustaldy
KÓKShETAÝ. QazAqparat – Aqmola oblysynda páterden 1 mıllıon teńgeniń múlkin tonaǵandar ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, oblys aýmaǵynda 3 táýliktiń ishinde 29 páter urlyǵy ashylsa, onyń 10 jaqynda jasalǵan bolsa, 29 buryn tirkelgen.
«Bıylǵy jyldyń tamyz aıynda jasalǵan osyndaı qylmystardyń birin Kókshetaý qalalyq PB qyzmetkerleri ashty. Bul týraly qalalyq PB kezekshilik bólimine jergilikti turǵyn aryzdanǵan. Zardap shegýshiniń sózinshe, belgisiz bireýler onyń úıine plastık terezeni buzyp kirip, jeke zattaryn urlap ketken. Urylar aqsha, eki noýtbýk, uıaly telefon, sondaı-aq, qundyz tondy qoldy qylǵan. Páter ıesine keltirilgen shyǵyn kólemi 1 100 000 teńgeni qurady», deıdi vedomstvodan.
Jedel izdestirý sharasy barysynda kúdikti retinde 45 jastaǵy jergilikti turǵyn ustaldy. Qazirgi kezde onyń osyndaı ózge qylmystarǵa qatysy bar-joǵy anyqtalý ústinde. Osyǵan qaraı, polıtsııa qyzmetkerleri aqmolalyqtardy urylardan saq bolýǵa, úıge senimdi esikter men qulyptardy jáne dabyl qaqqyshtardy ornatýǵa keńes beredi.
