Aqmola oblysynda páter órtenip, bes jasar bala kóz jumdy
KÓKShETAÝ. QazAqparat – Aqmola oblysynda páter órtenip, bes jasar bala kóz jumdy, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, órt búgin saǵat 06:15-te Baıqonys aýylyndaǵy eki páterli turǵyn úıde bolǵan. Órt aýmaǵy 85 sharshy metrdi qurady.
«Órtti sóndirýge TJD jeke quramynan alty qyzmetker jáne bir órt sóndirý tehnıkasy jumyldyryldy. Otaǵasy áıeli men eki balasyn qutqaryp úlgerdi. Ókinishke oraı, 2016 jylǵy úlken uly órtten kóz jumdy. Kúıik shalǵan er adam Stepnogor qalalyq aýrýhanasyna jatqyzyldy», - dedi vedomstvodan.
TJD baspasóz qyzmetinen atap ótkenedeı, órt 07:14-te aýyzdyqtalyp, 07:46-da sóndirildi. Órttiń shyǵý sebebi anyqtalýda.
