Aqmola oblysynda para alǵan jer qatynastary bóliminiń basshysy 3 jylǵa sottaldy
ASTANA. QazAqparat - Aqmola oblysy Býrabaı aýdandyq soty Býrabaı aýdanynyń jer qatynastary bóliminiń basshysy B.Jákenovke qatysty qylmystyq isti qarady. Bul týraly QR Joǵarǵy sotynyń baspasóz qyzmetinen habarlady.
Vedomtsvo aqparatyna qaraǵanda, B.Jákenov óziniń qyzmettik ókilettigin paıdalana otyryp, jer telimin zańsyz bergeni týraly faktisin jasyrý úshin K. esimdi azamattan 20myń dollar talap etken. Bólim basshysyn 1 mln teńge kólemindegi bastapqy somany alý kezinde sybaılas jemqorlyqtyń aldyn alý qyzmetkerleri qolǵa túsirgen.
«Sot úkimimen B.Jákenov QRQylmystyq kodeksiniń 366-babynyń 2-bóligine (para alý) sáıkes qylmystyq quqyq buzýshylyq jasaǵany úshin kináli dep tanyldy. Oǵan 3 jyl 3 aı bas bostandyǵynan aıyrý jazasy taǵaıyndalyp, tıesili múlki tárkilendi. Sonymen qatar ol memlekettik qyzmetpen aınalysý quqyǵynan ómir boıyna aıyryldy. Jazany jalpy rejimdegi túzeý kolonııasynda óteý belgilendi»,- delingen habarlada.
