Aqmola oblysynda para alǵan túrme qyzmetkeri sottaldy

KÓKShETAÝ. QazAqparat - Aqmola oblysynda para alǵan túzetý mekemesiniń qyzmetkerine bas bostandyǵynan aıyrý jazasy taǵaıyndaldy, dep habarlaıdy QazAqparat tilshisi QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Osyǵan deıin QR Sybaılas jemqorlyqqa qarsy is-qımyl agenttiginiń Aqmola oblysy boıynsha departamenti ETs-166/26 túzetý mekemesiniń qyzmetkeri, ádilet kapıtany E.Ospanovqa qatysty sotqa deıingi tergeý amaldaryn aıaqtaǵan bolatyn.

E.Ospanov sottalýshydan 574 myń teńge alyp, oǵan jazasyn óteý kezinde qamqorshylyq jasaýǵa ýáde etken.

24 maýsymda Jarqaıyń aýdandyq sotynyń úkimimen E.Ospanov kánili dep tanylyp, 3 jylǵa sottaldy. Ol jazasyn qaýipsizdigi ortasha deńgeıdegi túzetý mekemesinde óteıdi. Sondaı-aq ómir boıyna memlekettik qyzmette jumys isteý quqyǵynan jáne ádilet kapıtany arnaıy ataǵynan aıyryldy.