Aqmola oblysynda para alǵan əkimge 23 mıllıon teńge aıyppul salyndy
KÓKShETAÝ. QazAqparat - Aqmola oblysy Arshaly aýdanyndaǵy Jibek joly aýyldyq okrýginiń eks-ákimi Qaırat Ahmadııarovqa turǵyn úı qurylysy úshin qıyrshyq tas túrinde para alǵany úshin 23 mıllıon teńge aıyppul salyndy, dep habarlaıdy QazAqparat tilshisi Arshaly aýdandyq sotynyń úkimine silteme jasap.
Sot úkiminde kórsetilgendeı kásipkerlikpen aınalysyp júrgen Reseı Federatsııasynyń azamaty Jibek joly aýylyndaǵy jaldamaly turǵyn úıdiń mańyna tehnıkasyn qoıǵan. Osy kezde aýyldyq okrýgtiń ákimi bolǵan Q.Ahmadııarov kólik turaǵy jol qozǵalysyna kedergi keltiretinin jəne kólikterdi alý qajettigin aıtqan.
Al kəsipker bolsa, odan arnaıy tehnıkalaryn qoıatyn jer telimin suraıdy. Eks-əkim ol úshin turǵyn úı qurylysyna qajetti 6 mashına qıyrshyq tas jetkizip berýdi talap etedi.
Sot otyrysynda prokýror men sottalýshy arasynda qylmysty moıyndaý retinde protsessýaldyq kelisim jasaldy.
Osylaısha, sot Q.Ahmadııarovty QR QK 366-babynyń 2-bólimi boıynsha aıypty dep tanyp, paranyń 60 eselengen kóleminde, ıaǵnı 23 400 000 teńge aıyppul taǵaıyndady. Oǵan qosa, eks-əkim ómir boıyna memlekettik qyzmette isteý quqyǵynan aıryldy.
Sot úkimi zańdy kúshine engen joq.
