Aqmola oblysynda ózen jaǵasynan eki áıeldiń máıiti tabyldy
KÓKShETAÝ. QazAqparat – Aqmola oblysyndaǵy Shaǵalaly ózeniniń jaǵasynda eki áıeldiń denesi tabyldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, 29 mamyrda turǵyndardyń biri 2 áıeldiń temirjol saıajaıy aýmaǵyndaǵy Shaǵalaly ózenine qaraı ketip, qaıtyp kelmegeni týraly kezekshi bólimge habarlaǵan.
«Tártip saqshylary saıajaılardan shyǵys baǵytta 10-15 metr qashyqtyqtan 39 jáne 42 jastaǵy áıeldiń denelerin tapty. Jedel tergeý sharalary barysynda sot – medıtsınalyq top olardyń denesinde kúsh qoldanýdyń belgilerin baıqamady. Qazirgi kezde, máıitter Aqmola oblysy boıynsha sottyq medıtsına ınstýtyna jiberildi», – dedi vedomstvodan.
