Aqmola oblysynda ózen sýynyń deńgeıi kóterildi
KÓKShETAÝ. QazAqparat – Aqmola oblysynda aýa raıy temperatýrasynyń kúrt kóterilýinen jáne jaýyn-shashynnan Jabaı ózeninde sýdyń deńgeıi qaýipti deńgeıge jetti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, osynyń saldarynan Sandyqtaý aýdanynyń Balqashın aýylynda 2 turǵyn úıdiń aýlasyn sý basyp qaldy. Qutqarýshylar men jergilikti atqarýshy organdardyń qyzmetkerleri kesheden beri sý tasqynynyń aldyn alý jumystaryn júrgizýde. Ózen betindegi muz qatparlary jarý jumystary júrgizilýde.
«Sý úıge kirgen joq, irge tasynyń deńgeıinde. Jabaı ózenindegi sýdyń qaýipti deńgeıi 3,2 metr bolsa, qazirgi kezde sýdyń deńgeıi 3 metrge jetip otyr», - deıdi Aqmola oblystyq TJD baspasóz hatshysy Dınara Esenbaeva.
