Aqmola oblysynda óz úıinde erli-zaıyptynyń denesi tabyldy
KÓKShETAÝ. QazAqparat – Aqmola oblysynda óz úıinde erli-zaıyptylardyń denesi tabyldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, 2021 jylǵy naýryzdyń 14-de Astrahan aýdandyq polıtsııa bólimine 32 jastaǵy er adam telefon arqyly habarlasyp, Jaltyr aýylynda turatyn ata-anasynyń kóz jumǵanyn aıtty.
«Osy oqıǵa bıylǵy jyldyń 14 naýryzynda Astrahan aýdanynyń polıtsııa bóliminiń aqparatty esepke alý kitabynda №211136030000290, sotqa deıingi tergeýdiń biryńǵaı reestrinde №211136031000070 «adam ólimi» baby boıynsha tirkeldi», - dedi vedomstvodan.
Ulynyń aıtýynsha, ata-anasy Jaltyr aýylyndaǵy úıinde ózderi ǵana turǵan. Sońǵy ret, ol olardy naýryzdyń 9-da ǵana kórgen. Keıin naýryzdyń 14-de ata-anasynyń úıine baryp, esik jabyq turǵan soń, terezeden ishke kiredi. Sol kezde úıdiń ishinde ákesi men anasynyń jansyz denesin tabady.
«Aldyn ala anyqtalǵandaı, qart adamdar ıis tiıp kóz jumǵan. Qazirgi kezde sot-medıtsınalyq saraptama taǵaıyndalyp otyr», - dep tolyqtyrdy vedomstvodan.
