Aqmola oblysynda ótetin Prezıdent shyrshasyna 200 bala qatyspaq
KÓKShETAÝ. QazAqparat - Aqmola oblysynda ótetin QR Prezıdenti shyrshasyna 200 bala qatyspaq, dep habarlaıdy "QazAqparat" HAA tilshisi óńirlik kommýnıkatsııalar qyzmetine silteme jasap.
Aǵymdaǵy jyldyń 26 jeltoqsanynda Býrabaıdaǵy «Rixos Borovoe» qonaq úı kesheninde «Jańa jyldyq alaýlar EKSPO-2017» taqyrybymen ótetin shyrshaǵa oblystaǵy 17 aýdan men 2 qala, balalar úıinen, 4 oblystyq arnaıy túzetý mektep-ınternattarynan, 3 daryndy balalarǵa arnalǵan oblystyq arnaıy mektep-ınternattarynan, jasóspirimderdi ońaltý jáne áleýmettik beıimdeý oblystyq ortalyǵynan, múgedek balalardy qoldaý qaýymdastyǵynyń oqý úzdikteri, jetim balalar jáne ata-anasynyń qamqorlyǵynsyz qalǵan balalar, múgedek balalar, az qamtylǵan jáne kóp balaly otbasylardyń 9 jastan 13 jas aralyǵyndaǵy 200-ge jýyq bala qatysatyn bolady.
Prezıdent shyrshasyna qatysatyn balalar úshin 25 jeltoqsan kúni «Laplandııa» Aıaz Atanyń rezıdentsııasyna saıahaty jáne oıyn-saýyq baǵdarlamasy uıymdastyrylady. Al, keshkisin balalar «Baldaýren» respýblıkalyq oqý-saýyqtyrý ortalyǵynda mádenı sharalardy tamashalaıdy.
26 jeltoqsan kúni saǵat 11.00-de «Rixos Borovoe» qonaq úı kesheninde 25 Aıaz ata men 25 Aqsha qar balalardyń kóńilderin kóteredi. Odan əri zalda «Dostyqtaǵy kúsh jáne balalardyń birligi» atty jańajyldyq teatrlanǵan kórinis qoıylyp, Qazaqstan Respýblıkasynyń Prezıdenti N.Á.Nazarbaevtyń beıne quttyqtaýynyń kórsetilimi ótedi. Balalardy Aqmola oblysynyń ákimi S.V.Kýlagın quttyqtaıdy.
Jańajyldyq shyrshanyń ertegilik kórinisi tátti ústelmen jáne eskertkish syılyqtaryn tapsyrýmen aıaqtalady dep josparlanǵan.
