Aqmola oblysynda ósimdik maıyn óndiretin jańa zaýyt salynyp jatyr

KÓKShETAÝ. QazAPqparat - QR Aýyl sharýashylyǵy mınıstri Saparhan Omarov Aqmola oblysyna jumys sapary barysynda «Bota-2015» JShS ósimdik maıyn óndiretin zaýyt qurylysynyń barysymen tanysty, dep habarlaıdy QazAqparat vedomstvonyń baspasóz qyzmetine silteme jasap.

Jobanyń quny - 4,2 mlrd teńge. Bolashaq zaýyttyń óndiristik qýattylyǵy táýligine 600 tonna ónim óndiredi. Kásiporynda óńirdiń 30 turǵyny eńbek etetin bolady.

Bulandy aýdanynyń Makınsk qalasyndaǵy zamanaýı zaýyt maıly daqyldardy qaıta óńdeýdi qamtamasyz etedi jáne daıyn ónim óńdelgen túrde kórshi elder nary ǵyna eksporttalatyn bolady.

Osyndaı zaýyttardy Shyǵys Qazaqstan oblysynda salý josparlanyp otyr, al Almaty qalasynda zamanaýı zaýyt iske qosyldy. Mundaı óndiris oryndaryn salý – shıkizat eksportyna qaraǵanda quny joǵary , tereńdetile óńdelgen ónim eksportyna ótýge múmkindik beredi.

Sonymen qatar, mınıstr Makınsk qalasynda jergilikti elevatordyń jańa astyq ónimin qabyldaýǵa daıyndyǵyn tekserdi. «Arna» astyq qabyldaý kásiporny» JShS aýdandaǵy fermerlerge astyq qabyldaý, keptirý, tazalaý, saqtaý jáne jóneltý boıynsha qyzmet kórsetedi.

Kásiporynnyń jalpy aýdany – 14,7 ga. Bul jerde syıymdylyǵy 22 myń tonnalyq astyq qoımasy, aýdany 4,5 myń sharshy metr asfalttalǵan alań, ónimdiligi saǵatyna 110 tonna astyq keptirgish bar.

Qazirgi ýaqytta elevator jańa astyqty qabyldaýǵa tolyq daıyn.