Aqmola oblysynda órtten 85 jastaǵy qarııa ajal qushty
KÓKShETAÝ. QazAqparat- Aqmola oblysynyń Bulandy aýdanynda úı órtenip, 85 jastaǵy qarııa ajal qushty, dep habarlaıdy QazAqparat tilshisi.
Aımaqtyq TJD baspasóz qyzmetiniń deregi boıynsha 13 aqpanda saǵat 10:52-lerde Makınsk qalasyndaǵy jekemenshik turǵyn úı órtendi.
«Tilsiz jaýdyń aýyzdyqtaýǵa aımaqtyq TJD jeke quramynan 11 adam jəne 2 arnaıy tehnıka tartyldy.
Oqıǵa ornynan 1933 jylǵy B.F. Obıdın esimdi qarııanyń denesi tabyldy», - dep málim etti baspasóz qyzmetindegiler.
Qazirgi kezde qaıǵyly oqıǵanyń mən-jaıy anyqtalyp jatyr.
