Aqmola oblysynda órtenip ketken kólikterge qatysty is qozǵalýda
ASTANA. QazAqparat - Aqmola oblysynyń polıtsııasy 15 qazan kúni «Astana-Petropavl» avtojolynyń 240 shaqyrymynda bolǵan jol-kólik apaty faktisi boıynsha qylmystyq is qozǵaý máselesin sheshýde, dep habarlady Aqmola oblysy ІІD baspasóz qyzmeti.
Polıtsııanyń anyqtaýynsha, shamamen tańerteń 10:30-da Býrabaı aýdany Kenesary aýylynyń mańyndaǵy aınalma jolda jeńil kólik pen jol talǵamaıtyn kólik betpe-bet soqtyǵysyp, órt tutanǵan. Jol-kólik apatynan eki kólik te tutas órtenip ketti.
Aýrýhanaǵa 4 adam jetkizildi, qaza tapqandar joq.
Qazirgi ýaqytta apat ornynda polıtsııa jumys istep jatyr, apat sebebin anyqtaý sharalary jasalýda.
