Aqmola oblysynda órtengen páterden es-tússiz jatqan 80 jastaǵy qarııa tabyldy
KÓKShETAÝ. QazAqparat - Aqmola oblysynda órtengen páterden essiz jatqan 80 jastaǵy qarııa qutqaryldy, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, órt qyrkúıektiń 9-da Esil qalasyndaǵy Myrzashev kóshesiniń boıyndaǵy turǵyn úıde bolǵan. Bul týraly qalalyq órt sóndirý bólimine jedel habar túsken.
«Órt shyqqan úıdiń páterinen essiz jatqan páter ıesi, 80 jastaǵy qarııa tabyldy. Qutqarýshylar oǵan alǵashqy medıtsınalyq kómek kórsetip, jedel járdem brıgadasyna tapsyrdy. Qazirgi kezde zardap shekken azamat Esil aýdandyq aýrýhanasyna jatqyzyldy, onyń jaǵdaıy qanaǵattanarlyq», - deıdi vedomstvodan.
TJD atap ótkendeı, qazirgi kezde órttiń shyǵý sebebi men saldary anyqtalyp jatyr.
