Aqmola oblysynda órtengen páterden 3 adamnyń múrdesi tabyldy
KÓKShETAÝ. QazAqparat - Aqmola oblysynyń Atbasar aýdanynda órtengen páterden 3 adamnyń múrdesi tabyldy, onyń biri bala, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń deregi boıynsha, 2020 jylǵy aqpannyń 11-de keshkilik ýaqyt 21:54-te Atbasar qalasyndaǵy 4-shi órt sóndirý qutqarý bólimine Pokrovka selolyq okrýginiń ákimi habarlasyp, aýyldaǵy turǵyn úıde órt bolǵanyn aıtqan.
«Oqıǵa ornyna Atbasar qalasyndaǵy 4-shi órt sóndirý qutqarý bóliminiń jeke quramynan 8 adam jáne 2 Órt sóndirý tehnıkasy jumyldyryldy. Tilsiz jaý 150 sharshy metr aýmaqty sharpydy.
Órtengen páterdiń ishinen 1973 jəne 1978 jylǵy eki eresek pen 2016 jylǵy balanyń múrdesi tabyldy. Qazirgi kezde órttiń shyǵý sebebi men keltirilgen materıaldyq shyǵyn kólemi anyqtalýda», - dedi vedomstvodan.
