Aqmola oblysynda órtengen mektep jóndelip jatyr
Eske sala keteıik, ótken jyldyń kúzinde Zerendi aýdanynyń Dóńgilaǵash aýylyndaǵy 9 jyldyq negizgi mekteptiń bý qazandyǵynda qaýipsizdik erejelerin saqtamaǵandyqtan órt shyqqan bolatyn.Tilsiz jaý 150 sharshy metr aýmaqty sharpyp, saldarynan bilim ordasynyń shatyry búlindi. Sol kezde, oqýshylar bos turǵan turǵyn úıdiń birin mektep retinde paıdalandy.
Qazirgi kezde atalǵan bilim ordasyna oblystyq bıýdjetten quny 34,3 mıllıon teńge qarjy bólinip, kúrdeli jóndeý jumystary qolǵa alynǵan.
"Jóndeý jumystaryn tamyz aıynyń sońynda deıin aıaqtaýdy josparlap otyrmyz. Búgingi kúnge deıin ǵımarattyń shatyry men terezeleri aýystyrylyp, ishki ərileý jumystary júrgizilýde. Jańa oqý jylynda aýyldaǵy 50 bala osy mektepte oqıtyn bolady", - deıdi Qonysbaı aýyldyq okrýginiń ákimi Serik Sabyrov.
Sonymen qatar, osy aýyldaǵy mádenıet úıine de kúrdeli jóndeý jumystary júrgizilýde. Oǵan 12 mıllıon teńgeden astam qarjy bólingen. Jóndeý jumystaryn birer aptada aıaqtaý josparda bar.
