Aqmola oblysynda ortasha jalaqy 104 myń teńgeni quraıdy - Myrzalın
KÓKShETAÝ. QazAqparat - Aqmolalyqtardyń ál-aýqatyn kóterý mindeti - turǵyndardyń eńbekaqysyn kóterýden bastalady. Bul týraly aımaq basshysy Málik Myrzalınniń aımaqtyq kommýnıkatsııalar qyzmetinde óńirdegi buqaralyq aqparat quraldarynyń basshylarymen jáne respýblıkalyq basylymdardyń menshikti tilshilerimen ótkizgen baspasóz máslıhatynda aıtyldy, dep habarlaıdy «QazAqparat» HAA tilshisi.
Aımaq basshysynyń aıtýynsha, oblys turǵyndarynyń ortasha aılyq eńbekaqysy 104 myń teńgeni quraıdy. Bul ózge oblystarmen salystyrǵanda reıtıng boıynsha 13-shi oryn tur degen sóz.
«Bizdiń oblystyń áleýeti joǵary. Eger biz durys baǵytta jumys isteıtin bolsaq, jaqsy kórsetkishterge qol jetkizetinimiz sózsiz», dedi oblys ákimi óz sózinde.
Sonymen qatar, oblys ákimi qosymsha tabys ákeletin birqatar baǵdarlamalardy atap ótti. Máselen, agrarly salada bıdaı ósirýmen shektelip qalmaı, maıly daqyldar, raps, kartop jáne ózge kókónis túrlerin ósirýdi ulǵaıtýdy usyndy.
