Aqmola oblysynda Ortalyq Azııadaǵy eń iri kún elektr stansasy salynyp jatyr
KÓKShETAÝ. QazAqparat - Aqmola oblysynda Ortalyq Azııadaǵy eń iri kún elektr stansasy salynyp jatyr, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.
Ákimdiktiń málimeti boıynsha Tselınograd aýdanynyń Qabanbaı batyr aýylyndaǵy kún energııasynan qýat alatyn stansanyń qurylys jumystaryn ınvestor ári tapsyrys berýshi «KBEnterprises» kompanııasy qolǵa alyp otyr. Qazirgi kezde kompanııa qýaty 100 MVt kún elektr stansasy qurylysynyń jobalyq-smetalyq qujattamasyn ázirlep, jobany júzege asyrýdyń negizgi kezeńine kirisýde.
Jobanyń quny 165 mıllıon eýrony quraıdy. Qurylys alańy 300 gektar. Injenerlik merdiger uıym retinde SUMECCLEANENERGYINTERNATIONALCO.LTD halyqaralyq holdıngi tanylǵan. Qurylys jumystary AVV eýropalyq kontsernimen birlesip júrgizilmek.
«Qoǵam úshin joǵary tehnologııalyq, ekologııalyq jaǵynan taza ári tıimdi jobanyń júzege asyrylýy Qazaqstannyń álem qaýymdastyǵy aldynda abyroıyn asqaqtatpaq. Jobanyń «KBEnterprises» kompanııasy tartqan barlyq qatysýshylary - halyqaralyq deńgeıdegi sarapshylar», delingen ákimdik atartqan habarlamada.
