Aqmola oblysynda órt qaýipi týyndaýy yqtımal aımaqtardy dronmen baqylaıdy

KÓKShETAÝ. QazAqparat - Aqmola oblysynda órt qaýpi kezeńniń bastalýyna baılanysty ormandy dala alqaptaryna áýeden dron arqyly baqylaý júrgizilýde, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.

«Aqmola oblysynda ormandy dala alqaptaryn baqylýda dron paıdalanylýda. Osy arqyly orman mekemeleriniń qyzmetkerleri ormandaǵy órtti birden qashyqtyqtan anyqtap, ýaqtyly sharalar qoldana alady. Sondaı-aq, orman alqaptarynda daýystyq eskertý fýnktsııasy bar eki ushaq bar. Budan basqa, órt qaýpi kezeńinde Stepnogor qalasynyń, Zerendi, Sandyqtaý, Býrabaı, Aqkól, Bulandy jáne Birjan sal aýdandarynyń orman alqaptarynda «Qazavıaormanqorǵaý» AQ-nyń qyzmetkerlerinen turatyn úsh top áýeden baqylaý júrgizedi», - dedi vedomstvodan.

Aıta ketsek, órt qaýpi kezeńi bastalǵannan beri oblysta úsh orman órti jáne jeti dala órti tirkeldi. Osynyń saldarynan 14 adam ákimshilik jaýapqa tartyldy, 4 adam eskertý aldy jáne 10 adamǵa 306 300 teńge aıyppul salyndy. Ótken jyldyń sáıkes kezeńinde oblys aýmaǵynda 123 orman jáne 6 dala órti tirkeldi, sondaı-aq dala alqaptarynda 140 órt oshaǵy tirkeldi. Onyń ishinde dala órtinen bir adam kóz jumdy.

Eske ala ketsek, Kókshetaýda salynatyn JEO qurylysyna tender ótkiziledi.