Aqmola oblysynda órt qaýipi bar 378 əleýmettik-mədenı nysan baqylaýǵa alyndy
KÓKShETAÝ. QazAqparat- Aqmola oblysynda Jańa jyl merekesine oraı 378 əleýmettik-mədenı nysan baqylaýǵa alyndy. Bul týraly óńirlik kommýnıkatsııalar qyzmetinde ótken baspasóz máslıhatynda aımaqtyq TJD basshysynyń orynbasary Manarbek Shapaǵatov málim etti, dep habarlaıdy "QazAqparat" HAA tilshisi.
Manarbek Shapaǵatovtyń məlimeti boıynsha, oblys aýmaǵynda órttiń 70 paıyzy adamdardyń kóp shoǵyrlanǵan jerlerde oryn alady. Al, Jańa jyl merekesi kezinde bul kórsetkish 82-85 paıyzǵa deıin ulǵaıatyn kórinedi.
"Jańa jyl merekesi adamdardyń kóp shoǵyrlanatyn kezi. Statıstıkalyq málimetterge súıensek, dəl osy ýaqytta órt qaýipi de artady. Adamdar órt qaýipsizdigi erejelerin qatań saqtaǵan kezde ǵana qaıǵyly jaǵdaılardy aldyn alýǵa bolady. Osyǵan oraı, Aqmola oblystyq TJD Jańa jyl merekesi kúnderi óńirdegi 378 əleýmettik-mədenı nysan baqylaýǵa alynyp, 24 jedel top quryp otyr", dep atap ótti Manarbek Shapaǵatov.
