Aqmola oblysynda órt 3 adamnyń ómirin qıyp ketti
KÓKShETAÝ. QazAqparat - Aqmola oblysynda bolǵan órtten 3 adam kóz jumdy, dep habarlaıdy QazAqparat tilshisi.
Aımaqtyq TJD baspasóz qyzmetiniń deregi boıynsha, 15 aqpan kúni Zerendi aýdanynyń Ortaq aýylynda jekemenshik úıden órt shyqqan.
«Tilsiz jaýdy aýyzdyqtaýǵa TJD jeke quramynan 10 adam jáne 2 arnaıy tehnıka, kezekshi jedel tergeý tobynan (KJTT) 4 qyzmetkeri men 1 tehnıkasy tartyldy.
Oqıa ornynan 1956 jylǵy R.B. Danııarova jáne 1982 jylǵy E.K.Danııarovtyń denesi tabyldy. Aldyn ala boljam boıynsha órt elektr jylytqyshyn qoldaný kezinde qaýipsizdik erejesin saqtamaǵannan shyqqan bolýy yqtımal», - dep túsindirdi baspasóz qyzmetindegiler.
Sonymen qatar, osy kúni saǵat 15.02 Kókshetaý qalasyndaǵy «Kókshe Stroı metall» seriktestiginiń qurylys vagony órtke orandy. Oqıǵa orynan 1958 jylǵy A.A. Smehnovtyń denesi tabyldy. Munda da elektr jylytqyshyn qoldaný kezinde órt qaýipsizdigi erejesiniń saqtalmaǵany anyqtalyp otyr.
