Aqmola oblysynda órt 26 jastaǵy jigittiń ómirin qıyp ketti
KÓKShETAÝ. QazAqparat - Aqmola oblysynyń Tselınograd aýdanynda bolǵan órt 26 jastaǵy jigittiń ómirin qıyp ketti, dep habarlaıdy «QazAqparat» HAA tilshisi aımaqtyq TJD baspasóz qyzmetine silteme jasap.
TJD málimeti boıynsha, qaıǵyly oqıǵa Qosshy aýylynda 7 naýryz kúni saǵat 10:46 shamasynda oryn alǵan.
«Órt № 5-shi óndiristik aımaqtaǵy «Metall KON» JShS aýmaǵynda ornalasqan angarda turǵan vagonnan shyqty. Tilsiz jaýdy aýyzdyqtaýǵa TJB jeke quramynan 10 adam jáne 2 arnaıy órt sóndirý tehnıkasy jumyldyryldy. Oqıǵa ornynan 1991 jylǵy er adamnyń múrdesi tabyldy», dep kórsetilgen habarlamada.
