Aqmola oblysynda ormanda joǵalǵan erli-zaıyptylar izdestirilýde
KÓKShETAÝ. QazAqparat - Aqmola oblysynda ormanda joǵalǵan erli-zaıyptylar izdestirilýde, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, bıylǵy jylǵy qazannyń 20-da túngi saǵat 23:53-te Zerendi aýdandyq PB kezekshi bólimine Aıdabol aýylynyń 36 jastaǵy turǵynynan Sandyqtaý aýdanynyń Qumdykól aýylynda turatyn ákesi 1955 jylǵy Qaıyrjan Barjaqsymuly Baıalın jáne anasy 1954 jylǵy Altynaı Baltaqojyqyzy Baıalınany izdep tabýǵa kómektesý týraly ótinish tústi.
«Erli-zaıyptylar qazannyń 20-da Zerendi aýdanynyń Qoshqarbaı aýylyna dala joldarymen bet alǵan jáne Zerendi aýdanynyń Vıktorovka aýylynyń mańyndaǵy orman alqabynda adasyp ketken. Aqaý shyqqan «Honda avtokólik ormanyń ishinde qaldyryp ketken. Joǵalǵan adamdardy izdeýge Zerendi jáne Sandyqtaý aýdandyq polıtsııa bólimderiniń jeke quramy baǵyttalǵan. Іzdeýge jergilikti turǵyndar, eriktiler de tartyldy», - dedi vedomstvodan.
Osy rette, tártip saqshylary joǵalǵan azamattardyń ornalasqan jeri týraly qandaı da bir málimetke ıe adamdar bolsa, «102» telefony arqyly habarlasýyn suraıdy.
