Aqmola oblysynda óristegi qoıdy qaladan kelip urlaǵandar ustaldy
KÓKShETAÝ. QazAqparat – Aqmola oblysynyń Qorǵaljyn aýdany aýmaǵyndaǵy jaıylymnan 12 qoıdy urlaǵan Nur-Sultan qalasynyń turǵyndary ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 30 qyrkúıekte jergilikti JShS aýmaǵynda mal urlanǵany týraly aryz túsken. Degenmen, jedel izdestirý sharasy barysynda kúdiktiler bir táýliktiń ishinde anyqtalyp, qolǵa tústi. Olar Qorǵaljyn aýdany jáne Nur-Sultan qalasynyń úsh turǵyny.
«Belgili bolǵandaı, urylar Úshsart aýyly mańyndaǵy sharýashylyqtyń jaıylymynan baıqaýsyz qalǵan 12 qoıdy kólikke salyp urlap áketken», deıdi vedomstvonyń baspasóz qyzmetindegiler.
Qazir osy oqıǵaǵa baılanysty QR QK 188-babynyń 2-bóligi boıynsha qylmystyq is qozǵalyp, sotqa deıingi tergeý amaldary júrgizilýde.
