Aqmola oblysynda ordender men medaldar toly seıfti urlaǵan kúdikti ustaldy
KÓKShETAÝ. QazAqparat - Aqmola oblysynda Qyzyl juldyz ordeni, «Erligi úshin» jáne «Jaýyngerlik erligi úshin» medalin urlaǵan er adam ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń deregi boıynsha, Kókshetaý qalalyq PB kezekshilik bólimine Almaty kóshesinde turatyn 55 jastaǵy jergilikti turǵyn aryzdanǵan.
Aryzdanýshynyń sózinshe, úıinen otbasylyq áshekeı buıymdary men qujattary jáne qaıtar aldynda ákesi amanat etip qaldyrǵan Qyzyl juldyz medali men ózge de nagradalar salynǵan seıf urlanǵan.
«Polıtsııa qyzmetkerleri urynyń tereze arqyly kirgenin anyqtady. Oqıǵa ornynan saýsaq izin túsirip, sol aýmaqtaǵy turǵyndardan surastyrdy. Osynyń nátıjesinde Býrabaı aýdanynyń 31 jastaǵy turǵynyna kúdik keltirilip, ol ustaldy», dep habarlay vedomstvo ókilderi.
Polıtseılerdiń sózinshe, kúdikti urlaǵan seıfti ózenge laqtyryp jibergen. Alaıda, onyń ishinde ordender men medaldar bolmaı shyqty. Otbasylyq keıbir áshekeı buıymdar men «Altyn alqa» medali zańdy ıesine qaıtaryldy.
«Asa baǵaly zattardy urlaǵan kúdiktiniń ústinen qylmystyq is qozǵaldy. Kúdikti 20 jylǵa deıin bas bostandyǵynan aıyrylýy múmkin», dep tolyqtyrdy vedomstvo ókilderi.
