Aqmola oblysynda onynshy «servıstik ákimdik» ashyldy

KÓKShETAÝ. QazAqparat - Aqmola oblysy Jaqsy aýdanynda «Servıstik ákimdik» ashyldy, dep habarlaıdy QazAqparat tilshisi vedomstvonyń baspasóz qyzmetine silteme jasap.

Óńirdegi onynshy ákimdiktiń ashylýyna aýdan ákimi Baýyrjan Malǵajdarov jáne Aqmola oblysy boıynsha Sybaılas jemqorlyqqa qarsy is-qımyl departamentiniń aldyn alý jáne parasat basqarmasynyń basshysy Baqytjan Ámirhanov qatysty.

Vedomstvonyń málimetinshe, jumystyń jańa formaty azamattarǵa sáýlet jáne qala qurylysy, jer qatynastary, áleýmettik sala jáne basqa da múddeli máseleler boıynsha bir jerde qyzmetter men konsýltatsııalar berý bolyp tabylady.

«Memleket basshysynyń tapsyrmasyna sáıkes Sybaılas jemqorlyqqa qarsy qyzmet transparenttilik qaǵıdaty boıynsha memlekettik organdardyń halyqpen ózara is-qımyl formatyna kóshýi boıynsha osy baǵytta tıisti jumystar júrgizýde. Máselen, «Servıstik ákimdikterdi» ashý arqyly jergilikti atqarýshy organdar adamdar úshin qoljetimdi jáne ashyq bolady, bul halyqtyń bılikke degen senimin arttyrýǵa múmkindik beredi. Búgingi kúni oblysta 9 uqsas ashyq keńistik jumys isteıdi, jumys jalǵasýda», – dedi Baqytjan Ámirhanov.