Aqmola oblysynda óńirge esirtki jetkizetin arnanyń joly kesildi
KÓKShETAÝ. QazAqparat - Aqmola oblysynyń polıtseıleri esirtki bıznesimen aınalysqan kúdiktilerdi ustady, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, 2019 jylǵy aqpannyń 2-de Kókshetaý qalasynda jedel shara barysynda esirtki zaty «gashısh» saýdalamaq bolǵan kúdiktiler qolǵa túsken.
Kúdiktilerdiń páterin tekserý kezinde bólek oramaǵa salynǵan 25 keli «gashısh» tabylyp, tárkilendi. Keıin belgili bolǵandaı kúndiktiler esirtki zatyn Jambyl oblysynan ákelip, Aqmola oblysy aýmaǵynda saýdalamaq bolǵan.
«Qazirgi kezde, kúdiktiler ýaqytsha ustaý ızolıatoryna qamaldy. Osy oqıǵaǵa baılanysty QR QK 297 babynyń 3 bóligi boıynsha is qozǵalyp, sotqa deıingi tergeý amaldary júrgizilýde», deıdi Aqmola oblysynyń PD Esirtki bıznesimen kúres boıynsha basqarmasynyń bastyǵy Janat Nurǵalıev.
