Aqmola oblysynda ónegeli otbasylarǵa qurmet kórsetildi
Dostyq úıinde uıymdastyrylǵan sharada quttyqtaý sóz alǵan oblystyq ishki saıasat basqarmasynyń basshysy Gúljanar Shókeeva adam ómiri otbasynan bastalatynyn, halqymyz ákeni asqar taýǵa balaǵanyn, jumaq ananyń tabanynyń astynda dep analarǵa qurmet kórsetkenin, bala - baýyr eti dep urpaǵyna aıryqsha qamqorlyq tanytqanyn aıta kele, ata-anaǵa qurmetpen qarap, alańsyz qarttyqty syılaý árbir adamnyń qasıetti boryshy ekenin jetkizdi.
«Elbasymyz atap ótkendeı, otbasy qazaqstandyq qoǵamnyń altyn dińgegi bolyp tabylady. Oblysymyzda otbasylyq-demografııalyq saıasatty júzege asyrý maqsatynda oblys ákimi janynda arnaıy komıssııa jumys isteıdi», dedi G.Shókeeva.
Sonymen qatar, basqarma basshysy aǵymdaǵy jyly zamanaýı qoǵamda ákeler ınstıtýtyn damytýdyń mańyzdylyǵy eskerile otyryp, oblystyq ákeler odaǵy qurylǵanynyn da atap ótti. Sharada Kókshetaý qalasynda turatyn ónegeli otbasylar - Mýsınderge, Omarovtarǵa, Baıkovskıılerge, Jaqypovtarǵa, Fılatovtarǵa, Tólegenovtarǵa, sonymen qatar Qıyqovtar otbasyna alǵys hattar men estelik syılyqtardy saltanatty jaǵdaıda tabys etken.
Qazaqstan halqy Assambleıasynyń Aqmola oblysy boıynsha ókildiginiń janyndaǵy Analar keńesiniń tóraıymy Zere Qıyqova, «Jenskıı lých» qoǵamdyq birlestiginiń tóraıymy Oksana Olegovna, jańadan qurylǵan oblystyq ákeler odaǵynyń tóraǵasy Marat Qoıshın sóz sóılep, otbasy qundylyqtaryna toqtaldy.
Eske sala keteıik, Aqmola oblysynda kópbalaly analardyń sany 7 160 adamdy qurap otyr. Sonyń ishinde, 2535 «Altyn alqa», 4152 «Kúmis alqa» ıegerleri.
