Aqmola oblysynda óńdeýshi ónerkásiptiń úlesi artty
KÓKShETAÝ. qazAqparat - Oblystyń áleýmettik-ekonomıkalyq damýyna ındýstrıaldy saladaǵy kásiporyndardyń qosatyn úlesi zor. Bul týraly óńirge jumys saparymen kelgen Úkimet basshysy Baqytjan Saǵyntaevtyń oblys aktıvi jáne jergilikti bıznes ókilderimen ótkizgen jıynda aıtyldy, dep habarlaıdy QazAqparat tilshisi.
Aımaq basshysy Málik Myrzalınniń aıtýynsha, jyldan jylǵa óńir ekonomıkasynda ónerkásip salasynyń úlesi artyp keledi. Osynyń nátıjesinde agrarlyq oblys ındýstrıaldy-agrarlyq óńirge aınalyp keledi.
«Údemeli ındýstrıaldy-ınnovatsııalyq damý» memlekettik baǵdarlamasy boıynsha óńirde 4,3 myń jańa jumys ornyn ashýǵa múmkindik beretin quny 526 mıllıard teńgeniń 10 jobasy júzege asyrylýda. Onyń ishinde elimizdegi eń iri, jyldyq qýaty 50 myń qus etin óndiretin Makınsk qus fabrıkasy bar. Keler jyly iske qosylatyn joba tutyný naryǵyndaǵy jaǵdaıdy túbegeıli ózgertýge múmkindik beredi», - dedi M.Myrzalın.
