Aqmola oblysynda on kún buryn joǵalǵan er adamnyń denesi tabyldy

KÓKShETAÝ. QazAqparat – Aqmola oblysynyń Tselınograd aýdanynda on kún buryn iz-túzsiz joǵalǵan er adamnyń denesi tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, Tselınograd aýdanynyń 29 jastaǵy turǵyny Shyńǵys Mustafınge bıylǵy jylǵy mamyrdyń 3-inde izdeý jarııalanǵan. Ony izdeýge tártip saqshylarymen birge áskerı qyzmetshiler, eriktiler, týystary men tanystary atsalysty.

«Mamyrdyń 12-sinde qabyldaǵan sharalardyń nátıjesinde er adamnyń denesi Sandyqtaý aýdanynyń aýmaǵynan tabyldy. Sot-medıtsınalyq saraptama taǵaıyndaldy, sonyń qorytyndysy boıynsha protsessýaldyq sheshim qabyldanady», - dedi vedomstvodan.

PD baspasóz qyzmetinen atap ótkendeı, beınebaqylaý kameralarynyń kómegimen polıtsııa qyzmetkerleri joǵalyp ketken er adamnyń Sandyqtaý aýdany aýmaǵyna avtokólikpen kelgenin, keıin kóliktiń Sandyqtaý aýylynda turǵanyn anyqtady.

Aıta ketsek, budan buryn Kókshetaýda joǵalǵan jasóspirimniń astanadan tabylǵanyn jazǵan edik.