Aqmola oblysynda «Oqjetpes» fýtbol klýbynyń quramy tanystyryldy
KÓKShETAÝ. QazAqparat - Aqmola oblysynda kókshetaýlyq «Oqjetpes» fýtbol klýbynyń quramy tanystyryldy, habarlaıdy QazAqparat tilshisi.
«Oblys, Kókshetaý qalasynyń turǵyndary men jankúıerlerin quttyqtaımyn. Biz Qazaqstan birinshiliginiń birinshi lıgasynda jeńiske jetip, Premer-lıgaǵa shyǵýdy maqsat tutyp otyrmyz. Sonymen qatar, komanda quramyn saqtap, jergilikti oıynshylardy tartatyn bolamyz. Bıylǵy maýsymda komanda sapynda 8 jergilikti oıynshy óner kórsetýde. Olardyń sany jyl ótken saıyn artyp keledi», - deıdi «Oqjetpes» fýtbol klýbynyń dırektory Erlan Bótembaev.
Bıylǵy 2018- maýsymda kókshelikter sapynda qazaqstandyq jankúıerlerge tanymal Álibek Bóleshov, Artem Kasıanov, Rýslan Saqalbaev, Renat Abdýlın, Kazbek Geterıev sııaqty aıaqdop sheberleri bar.
Birinshi lıgadaǵy alǵashqy kezdesýinde oqjetpestikter Taldyqorǵannyń «Jetisý B» jáne ońtústikqazaqstandyq «Maqtaaral» komandalaryn 1:0 esep aıyrmasymen tize búktirdi. Sáýirdiń 14-i kúni «Oqjetpes» oıynshylary óz alańynda «Baıqońyr», 18-shi sáýirde «Qaırat» komandalarymen kezdesedi.
