Aqmola oblysynda oqýshyny urǵan eks-əkimniń isi sotqa joldandy
KÓKShETAÝ. QazAqparat - Aqmola oblysynda mektep oqýshysyn urǵan Qorǵaljyn selolyq okrýginiń burynǵy ákimine qatysty qozǵalǵan ákimshilik is Qorǵaljyn aýdandyq sotyna joldandy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Sotta anyqtalǵandaı eks əkimge qatysty QR ÁQbK 7/1 babynyń 1 bólimi boıynsha (densaýlyqqa qasaqana jeńil zalal keltirý) əkimshilik is qozǵalǵan.
Atalǵan sanktsııa boıynsha kúdiktige 15 aılyq eseptik kórsetkish kóleminde aıyppul nemese 15 táýlikke qamaý jazasy taǵaıyndalýy múmkin.
Eske sala keteıik, 2018 jyldyń aqpan aıynyń sońynda Aqmola oblysyndaǵy Qorǵaljyn aýyldyq okrýginiń ákimi Janat Omarov mektep oqýshysy, kámelettik jasqa tolmaǵan balany soqqyǵa jyǵyp, es-tússiz aýrýhanadan biraq shyǵarǵan bolatyn. Bul týraly balanyń anasy Aıgúl Bekjanova Feısbýk áleýmettik A.Tóleýbaev atyndaǵy orta mektepte oqıtyn uly, 8-synyp oqýshysy Dıas Muqandy Qorǵaljyn aýyldyq okrýginiń ákimi Janat Omarovtyń soqqyǵa jyqqandyǵyn jazdy. Onda zardap shekken balanyń anasy ulynyń «mıdyń shaıqalýy» dıagnozymen Qorǵaljyn aýdandyq aýrhanasyna, keıin Astana qalasyndaǵy №2 aýrýhanasyna jetkizip, neırohırýrgııa bólimshesinde jatqanyn aıtqan edi. Bul jazba kópshilik arasynda narazylyq týdyryp, áleýmettik jeli qoldanýshylary oqýshyǵa qol kótergen ákimniń isin synǵa aldy. Keıin bul daýǵa quqyq qorǵaý organdary men prokýratýra aralasqan bolatyn.
Al, Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamenti Tártip jónindegi keńesi Janat Omarovty qyzmetinen bosatý jóninde uıǵarym shyǵardy.
