Aqmola oblysynda oqýshylar mingen avtobýs jol apatyna ushyrady
KÓKShETAÝ. QazAqparat - Aqmola oblysynda mektep oqýshylary mingen avtobýs jol-kólik oqıǵasyna ushyraýyna baılanysty QR QK 345-baby boıynsha qylmystyq is qozǵaldy, dep habarlaıdy QazAqparat tilshisi oblystyq PD silteme jasap.
Polıtseılerdiń məlimetinshe, jol-kólik oqıǵasy 23 qazan kúni Tselınograd aýdany aýmaǵynda oryn aldy. Avtobýs Qosshy aýylyndaǵy №1 orta mektepke tıesili. Qoǵamdyq kólik júrgizýshisi sabaqtan soń oqýshylardy úılerine apara jatqan kezinde joldyń qarsy baǵytyna shyǵyp ketip, «VAZ-21099» kóligine soqtyǵysqan.
Jol apaty saldarynan jeńil kóliktiń júrgizýshisi túrli dene jaraqatymen aýrýhanaǵa tústi. Al avtobýsta bolǵan 5 oqýshy men muǵalim aman, zardap shekken joq.
«Qazirgi kezde osy oqıǵaǵa baılanysty QR QK 345-baby boıynsha qylmystyq is qozǵaldy» dep túsindirdi Aqmola oblystyq PD baspasóz qyzmeti.
