Aqmola oblysynda oqýshylar qashyqtan oqıdy

KÓKShETAÝ. QazAqparat - Aqmola oblysynda mektep oqýshylary 31 qańtarǵa deıin qashyqtan oqytý formatyna aýystyrylady. Bul týraly brıfıng barysynda oblystyq sanıtarlyq-epıdemıologııalyq baqylaý departamenti basshysynyń mindetin atqarýshy Serik Omarhanov málim etti, dep habarlaıdy QazAqparat tilshisi.

«Vedomstvoaralyq komıssııanyń otyrysy ótti. Ol búkil respýblıka boıynsha balalar 31 qańtarǵa deıin onlaın formatta oqıdy dep sheshim qabyldady. Aldaǵy ýaqytta epıdemıologııalyq jaǵdaıǵa nazar aýdarylatyn bolady», - dedi Serik Omarhanov.

Aqmola oblysyndaǵy epıdemıologııalyq jaǵdaı kún saıyn nasharlap keledi, búginde óńir «sary» aımaqqa aýysty.

«Oblysta jyl basynan beri COVID-19 aýrýynyń 500-ge jýyq jaǵdaıy tirkeldi, olardyń basym bóligi - JRVI belgisi bar adamdar. 11 qańtarda 48 jaǵdaı tirkeldi, 12 qańtarda-138 jaǵdaı, 2,8 ese ósti. Sońǵy aptada-344 epızod, ótken aptada-266, ósim 1,3 ese», - dep atap ótti Serik Omarhanov.

Jalpy, Aqmola oblysynda COVID-19 juqtyrýdyń 50 220 jaǵdaıy tirkeldi, onyń ishinde eresekter arasynda - 44 393, 14 jasqa deıingi balalar arasynda-5 827 jaǵdaı.

Aıta ketsek, Aqmola oblysynda 2022 jyldyń 14 qańtardan bastap karantın sharalary kúsheıtiledi.