Aqmola oblysynda oqýshylar arasynda COVID-19 juqtyrǵandar azaıdy
Onyń aıtýynsha, qańtar aıynda oqýshylar arasynda COVID-19 juqtyrý jaǵdaılary kúrt ósti.
«2021-2022 oqý jylynyń úshinshi toqsanynyń basynan bastap oqýshylar arasynda COVID-19 aýrýynyń 1963 jaǵdaıy tirkeldi, 918 (47 paıyz) – offlaın, 1045 (52 paıyz) - onlaın. Qańtar aıynda oqýshylar arasynda kúnine 130-dan astam jańa jaǵdaı tirkeldi. Qazir oqýshylar arasynda indetke shaldyǵýdyń tómendegeni baıqalady. Bir táýlikte 37 jaǵdaı tirkeldi. Onyń ishinde Aqkól (1), Astrahan (4), Býrabaı (7), Tselınograd (1), Bulandy (2), Ereımentaý (4), Jaqsy (1), Jarqaıyń (5), Zerendi (1), Sandyqtaý (4), aýdandar, Stepnogor (2), Kókshetaý (6)»,- dedi Aınagúl Mýsına.
Sonymen qatar, óńirdiń bas memlekettik sanıtarlyq dárigeri ujymdarda KVI aýrýy tirkelgen kezde departament qyzmetkerleri epıdemııaǵa qarsy is-sharalar keshenin ýaqtyly júrgizý úshin jospardan tys tekserýler júrgizetinin atap ótti.
«Osylaısha, 2021 jyly KVI jaǵdaılaryn shuǵyl habarlaý boıynsha 395 jospardan tys tekseris júrgizildi. Karantındik shekteý sharalaryn buzýǵa qatysty 8,8 mıllıon teńge kóleminde 124 aıyppul salyndy. 2022 jyldyń qańtar aıynda osyndaı 108 jospardan tys tekseris júrgizildi. Anyqtalǵan karantındik shekteý sharalarynyń buzýǵa qatysty 544,8 myń teńge kóleminde 12 aıyppul salyndy», - dep tolyqtyrdy Aınagúl Mýsına.
Aıta ketsek, synypta (topta) COVID-19 aýrýynyń 1 jaǵdaıy tirkelgen kezde – synyp (top) 10 kún ishinde úı karantınine oqshaýlaýǵa jatady. Bir aýysymnyń 30 paıyzdan astam synyptarynda COVID-19 aýrýynyń jaǵdaılary tirkelgen kezde, aýysym 10 kún ishinde úı karantınine oqshaýlanýǵa jatady. Osyndaı erejeler men normalardyń nátıjesinde búginde 31 mekteptegi 47 synyp qashyqtyqtan oqytý formatyna kóshirildi.
