Aqmola oblysynda oqýshy sany az 4 mektep jabyldy
KÓKShETAÝ. QazAqparat - Bıylǵy jyldyń jazǵy kezeńinde oqýshylardyń joqtyǵynan nemese sanynyń azdyǵynan 4 bastaýysh mektep jabyldy. Bul týraly brıfıngte Aqmola oblystyq bilim basqarmasy basshysynyń orynbasary Valerıı Gamazov, dep habarlaıdy QazAqparat tilshisi.
Bbasqarmasy basshysy orynbasarynyń aıtýynsha, jabylǵan mektepterdiń qatarynda Bulandy aýdanynyń Ultýǵan jáne Eltaı aýyldaryndaǵy bastaýysh mektepter, Býrabaı aýdanynyń Shıeli aýylyndaǵy bastaýysh mektep, Shortandy aýdanynyń Novopervomaıka aýylyndaǵy bastaýysh mektep bar.
«Uıymdardy joıý tártibi boıynsha barlyq is-sharalar belgilengen tártippen ótkizildi, oqýshylar tasymaldaýdy uıymdastyrýmen jaqyn mańdaǵy mektepterge bólindi. Shekteý sharalary jaǵdaıynda oqý-tárbıe protsesiniń tıimdiligin arttyrý boıynsha jumys jalǵasýda», - dedi Valerıı Gamazov.
Onyń aıtýynsha, atap ótkendeı, bıylǵy jyldyń 26 mamyry men 19 maýsymy aralyǵynda oqýshylardyń bilimindegi olqylyqtardyń ornyn toltyrý úshin barlyq tilek bildirgen oqýshylarǵa jazǵy mektep uıymdastyryldy. Sonymen birge, 16-27 tamyz aralyǵynda ata-analardyń nemese zańdy ókilderdiń ótinishi boıynsha oblysta oqytý sapasyn arttyrý maqsatynda 10640 (8,2%) oqýshy úshin 206 mektepte jazǵy mekteptiń jumysy jalǵastyryldy.
Aıta ketsek, bıyl jańa oqý jylynda oblystyń 552 mektebine 130 myńnan astam oqýshy keledi, olardyń 13659-y birinshi synyp oqýshylary.
