Aqmola oblysynda oqý jylynyń basynan beri 1249 oqýshy koronavırýs juqtyrǵan
KÓKShETAÝ. QazAqparat – Aqmola oblysynda oqý jylynyń basynan beri COVID-19-dy 1249 oqýshy juqtyrǵany anyqtaldy. Onyń ishinde shtattyq rejımde oqıtyn oqýshylar arasynda-510, qashyqtyqtan oqıtyn oqýshylar arasynda-739.
Bul týraly óńirlik kommýnıkatsııalar qyzmetinde ótken brıfıngte oblystyń bas sanıtarlyq dárigeri Aınagúl Mýsına aıtty, dep habarlaıdy QazAqparat tilshisi.
«Sońǵy aptalarda mektep oqýshylary arasynda 258 ret koronavırýs ınfektsııasyn juqtyrý jaǵdaıy tirkeldi. Onyń ishinde 110 jaǵdaı oflaın bilim alýshylar jáne 148 jaǵdaı onlaın rejıminde oqyp jatqandar arasynan anyqtaldy. Al sońǵy táýlikke keletin bolsaq, oqýshylar arasynda aýrýdyń 28 jaǵdaıy tirkelip otyr. Onyń 7-i shtattyq rejımde, 21-i onlaın rejımde oqıtyn oqýshylar arasynda. Oqý jylynyń basynan beri jalpy bilim beretin mektepterdiń qyzmetkerleri arasynda COVID-19 aýrýynyń 482 jaǵdaıy tirkeldi, onyń ishinde shtattyq oflaın rejıminde – 245, onlaın rejıminde – 236» - dep atap ótti oblystyq sanıtarlyq epıdemıologııalyq baqylaý departamentiniń basshysy Aınagúl Mýsına.
Qazirgi ýaqytta óńirde koronavırýs ınfektsııasy jaǵdaılarynyń tirkelýine baılanysty jeti mektep qashyqtan oqytýǵa aýystyryldy, onyń ishinde Zerendi aýdanynda - 2, Aqkól aýdanynda -1, Qorǵaljyn aýdanynda -1, Býrabaı aýdanynda -3.
COVID-19 zerthanalyq rastalǵan barlyq jaǵdaı boıynsha balalar arasynda epıdemııaǵa qarsy is-sharalar kesheni júrgiziledi.
