Aqmola oblysynda oqý jyly bastalǵannan beri 33 oqýshy COVID – 19 juqtyrǵan
KÓKShETAÝ. QazAqparat - Aqmola oblysynda oqý jyly bastalǵannan beri 33 oqýshynyń COVID – 19 juqtyrǵany zerthanada rastaldy.
Bul týraly oblystyq densaýlyq saqtaý basqarmasynyń basshysy Súlen Іlıasov brıfıngte aıtty, dep habarlaıdy QazAqparat tilshisi.
Basqarma basshysynyń aıtýynsha, ústimizdegi jyldyń 1-shi qarashasyndaǵy málimet boıynsha, oblysta 4 143 adamnyń koronavırýs ınfektsııasyn juqtyrǵany zerthanada rastaldy. Onyń 2 244 belgisi bar, 2 190 jaǵdaıda belgisiz vırýs tasymaldaýshy. Al, 78 adam kóz jumǵan. Sońǵy kúnderi óńirde koronavırýs ınfektsııasyn juqtyrǵandardyń sany kúrt ósip keledi. Máselen, sońǵy aptada oblys boıynsha barlyǵy 281 adam koronavırýs tabyldy.
Sonymen birge, oqý jyly bastalǵannan beri óńirde 33 oqýshynyń COVID – 19 juqtyrǵany zerthanada rastalyp otyr.
«Onyń ishinde 8 oqýshy shtattyq rejımde, 25 oqýshy qashyqtan bilim alǵandar. Al, 16 jaǵdaı mektepke deıingi bilim berý uıymdarynda tirkeldi», - deıdi S.Іlıasov.
Brıfıngte basqarma basshysy atap ótkendeı, qazan aıynda oblysta 22 medıtsına qyzmetkeri koronavırýspen naýqastanǵan. Onyń 12-i Kókshetaý qalasynda, 1-i Jaqsy aýdanynda, 1-i Tselınograd aýdanynda, 2-i Stepnogor qalasynda tirkelgen. 22-i jaǵdaı medıtsına qyzmetkerleriniń kásibı qyzmetine baılanysty bolsa, qalǵany kásibı qyzmetine qatysy joq.
