Aqmola oblysynda Nurlan Bekenov 89 paıyz daýys jınady – caılaý

KÓKShETAÝ. QazAqparat – Aqmola oblysynda Senat depýtatynyń saılaýy ótip, onda eń kóp daýysty (89,5 paıyz) Nurlan Bekenov jınady, dep habarlaıdy QazAqparat tilshisi.

Aqmola oblystyq saılaý komıssııasynyń tóraǵasy Manarbek Sádýovtyń aıtýynsha, saılaýǵa barlyǵy 240 depýtat qatysyp, qalaǵan úmitkerine daýys berdi.

«Oblysymyz boıynsha Senat depýtattyǵyna tirkelgen kandıdattardyń arasynan Nurlan Bekenovti jaqtap 213 depýtat daýys (89,5 paıyz) berdi. Al, ózge eki kandıdat Aınagúl Baltasheva men Nurlan Jarov 13 (5,46 paıyz) jáne 12 (5,04 paıyz) daýys jınady. Sondaı-aq, eki bıýlleten jaramsyz dep tanyldy», - dep habarlady oblystyq saılaý komıssııasynyń tóraǵasy Manarbek Sádýov.