Aqmola oblysynda NEET sanatyndaǵy jastar arasynda jumyssyzdyq deńgeıi azaıyp keledi
Onyń aıtýynsha, statıstıkalyq derekterge qaraǵanda, Aqmola oblysy boıynsha 15-28 jas aralyǵyndaǵy NEET sanatyndaǵy jastar sany - 11470 adamdy quraıdy. Alaıda jastar resýrstyq ortalyqtary júrgizgen monıtorıng nátıjeleri boıynsha olardyń naqty sany 2421 adam bolyp otyr. Degenmen, bul kórsetkish 2020 jyldyń sáıkes kezeńimen salystyrǵanda 265 adamǵa tómen. 2021 jyldyń qorytyndysy boıynsha sandyq kórsetkish Kókshetaý, Tselınograd, Býrabaı jáne Zerendi aýdandarynda áli de joǵary bolyp otyr.
«NEET sanatyndaǵy jastardy áleýmettendirý máselesi ótkir kúıinde qalyp otyr. Osy maqsatta oblystyq ishki saıasat basqarmasy, oblystyq jumyspen qamtýdy jáne áleýmettik baǵdarlamalar úılestirý basqarmasy, oblystyq jastar resýrstyq ortalyǵy birlesip osy sanattaǵy jastardy áleýmettendirý jáne jumysqa ornalasýǵa járdemdesý boıynsha is-sharalar keshenin júrgizýde. 2021 jyly Aqmola oblysynyń ishki saıasat basqarmasy 3 mıllıon teńgege «Quqyq» qoǵamdyq qory arqyly «ómirlik qıyn jaǵdaıǵa tap bolǵan jastardy jumyspen qamtý jáne jumysqa ornalastyrýdy qamtamasyz etýge baǵyttalǵan is-sharalardy iske asyrý (NEET sanatyndaǵy jastardyń úlesin azaıtý)» memlekettik áleýmettik tapsyrys sheńberinde taqyryptyq lotty qarastyryp, iske asyrdy. Joba aıasynda 1000-nan astam adam qamtyldy, 603 adam jumysqa ornalastyryldy, 200-den astam adamǵa psıhologııalyq trenıngter ótkizildi. Sonymen birge, «Zerdeli urpaq» jastar qoǵamdyq birlestigi 3 mıllıon teńge somasyna «nashaqorlyqtyń aldyn alý jáne esirtkige táýeldi azamattardy, onyń ishinde jastardy qoldaý ortalyǵyn uıymdastyrý» memlekettik áleýmettik tapsyrys sheńberinde loty iske asyrdy», - dedi Krıstına Manına.
Ol atap ótkendeı, jastardy jumysqa ornalastyrý jáne áleýmettendirý boıynsha qabyldanǵan sharalar óńirdegi jastar jumyssyzdyǵynyń deńgeıin tómendetýge múmkindik berdi.
