Aqmola oblysynda naýryzdyń 31-i kúni karantındik shekteý engiziledi
KÓKShETAÝ. QazAqparat - Aqmola oblysynda naýryzdyń 31-nen saǵat 19:00 bastap karantındik shekteý sharalary engiziledi, dep dep habarlaıdy QazAqparat QR Densaýlyq saqtaý mınıstrliginiń Taýarlar men kórsetiletin qyzmetterdiń sapasy men qaýipsizdigin baqylaý komıtetiniń Telegram arnasyndaǵy shuǵyl shtabyna silteme jasap.
Oblystaǵy shekteýler túri:
Barlyq avtokólikter men azamattarǵa Aqmola oblysynyń aýmaǵyna kirýge jáne shyǵýyna tıym salynady, tranzıttik júk avtokólikteri jáne azyq-túlik taýarlaryn tasymaldaıtyn avtokólikterdi esepke almaǵanda.
Іri saýda ortalyqtary jumysyn toqtady (ishinde azyq-túlik dúkenderi men dárihanasyn esepke almaǵanda), saıabaqtar, monsha keshenderi, shıpajaı-kýrortty nysandary, sán salondary, shashtarazdar, ónerkásiptik taýarlar, avtomobıl, kıim-keshek, qurylys taýarlaryn satatyn bazarlar.
Qoǵamdyq tamaqtaný nysandary (azamattar kelmeıtin tapsyrysty táýlik boıy jetkizip berý qyzmetin esepke almaǵanda).
Dárihanalar jáne dárihana kıoskileri shtattyq rejımde jumysyn jalǵastyra beredi.
Oblys turǵyndaryna shuǵyl qajettilik bolmasa úıden shyqpaýǵa, maska taǵý jáne bir rettik perchatka qoldanyp, qoldy antıseptıkpen jýýǵa keńes beriledi. Jasy 65-ten asqandarǵa ózin ózi oqshaýlaý rejımin saqtaý usynylady.
