Aqmola oblysynda «Naýryz kóje - ulys dámi» ulttyq taǵamdar baıqaýy ótti

KÓKShETAÝ. QazAqparat – Naýryz merekesine oraı Zerendi aýdanynyń qoǵamdyq tamaqtaný kásipkerleri arasynda «Naýryz kóje - ulys dámi» ulttyq taǵamdar baıqaýy ótti, dep habarlaıdy QazAqparat tilshisi aýdan ákimdiginiń baspasóz qyzmetine silteme jasap.

Vedomstvonyń málimetinshe, «Aurora Garden» otbasylyq demalys ortalyǵynda uıymdastyrylǵan baıqaýda jergilikti týrıstik nysandar ózderi jasaǵan ulttyq taǵamdaryn usyndy. Baıqaýǵa qatysýshylar túrli ulttyq taǵamdardyń dámin tatyp kórdi.

«Baıqaý qorytyndysy boıynsha alǵashqy úsh oryndy «Keremet» dámhanasy («K.S.Eskendirov» jeke kásipkerligi) men «Aurora Garden» otbasylyq demalys ortalyǵy (Shoraeva Zamıra Ómirbekqyzy) jáne «Sadyqov» jeke kásipkerligi ózara bólisti. Al qalǵan qatysýshylar – «Sekenov» jeke kásipkerligi, «Tamasha» dámhanasy («Muhanjarov» jeke kásipkerligi) jáne «Sınılga» meıramhanasy (N.V.Sýsına) baıqaýǵa qatysqany úshin yntalandyrý syılyqtarymen marapattaldy», - dedi Zerendi aýdany ákimdiginiń baspasóz qyzmetindegiler.