Aqmola oblysynda «Mýzeı túni» aktsııasy ótti
KÓKShETAÝ. QazAqparat - Aqmola oblysynda Halyqaralyq mýzeıler kúnine arnalǵan «Mýzeı túni» aktsııasy ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.
«Rýhanı qazyna – 2021» festıvali aıasynda elimizdiń mádenı astanasynda ótken shara onlaın rejımde uıymdastyryldy. Kúrdeli epıdemıologııalyq jaǵdaıǵa qaramastan, murajaı qyzmetkerleri únemi izdenis ústinde. Erekshe formatta ótken mádenı shara bul joly da kókshetaýlyqtardyń kóńilinen shyqty.
Aqmola oblystyq mádenıet, arhıvter jáne qujattamalar basqarmasynyń basshysy Aıgúl Sábıtovanyń aıtýynsha, basty maqsat-kelýshilerdi mádenı jáne tarıhı muraǵa arnalǵan jarqyn, erekshe baǵdarlamalarmen tartý jáne qyzyqtyrý.
«Kórermender úshin ashyqtyq-búkil álemdegi «Mýzeı túniniń» negizgi urany. Bıylǵy jyly aktsııanyń taqyryby 20 ǵasyrdyń tarıhy boldy. Biz 4 arnaıy alań, teatrlandyrylǵan ekskýrsııa jáne eski plenkaly fılmderdi kórdik», - dep atap ótti vedomstvo basshysy.
Erekshe túnde kórermender soǵysqa deıingi ýaqyt, ekinshi dúnıejúzilik soǵys, soǵystan keıingi kezeń dáýirlerine bólingen ótken ǵasyrdyń atmosferasyna enip, sol kezdegi bı alańynda bolyp, Qazaqstandy egemendik jyldary kórdi.
Aıta keteıik, Aqmola oblystyq tarıhı-ólketaný mýzeıi «Mýzeıdegi tún» aktsııasyna 2013 jyly qosyldy, sodan beri ol jyl saıyn ótkizilip keledi.
