Aqmola oblysynda muz jarý jumystary bastaldy
«10 naýryzdan bastap merdigerlik uıymdar 10 aýdan aýmaǵyndaǵy 15 ózen ýchaskelerinde 20 myń sharshy metrden astam alańda muzdy álsiretý boıynsha jarylys jumystaryn júrgizýdi bastady. Barlyǵy 869 myń tekshe metrden astam qar shyǵaryldy, bul ótken jyldyń sáıkes kezeńimen salystyrǵanda 40 paıyzǵa kóp. Óńirlerde 315 tonna janar-jaǵar maı, 17 myń tonna ınertti materıaldar qory jasaldy, 91 myń qap daıyndaldy. Atalmysh jumystar jalǵasýda», - deıdi Aqmola oblystyq TJD Tótenshe jaǵdaılardyń aldyn alý basqarmasynyń bastyǵy Erden Berlibekov.
Basqarma basshysy atap ótkendeı, kóktemgi sý tasqynynyń aldyn alý jumystarynyń nátıjesinde aımaqta sý basý qaýpi bar 128 eldi mekenniń 113-de qaýp seıildi. Ótken jyldyń jaz aılarynda 65 eldi mekende (15 aýdan, 3 qala) sý tasqynyna qarsy is-sharalar ótkizildi.
Kóktemgi kezeńdegi tótenshe jaǵdaıdy joıý maqsatynda azamattyq qorǵaý organdary men quralymdarynyń 2524 adam, 1124 birlik arnaıy tehnıka, 258 motopompalar jáne 48 birlik júzý quraldarynyń kúshteri men quraldary tolyq daıyndyqqa keltirildi.
«QR Ulttyq ulanynyń 5510 áskerı bóliminiń kúshteri men quraldaryn qosymsha toptastyrý kózdelgen, onyń ishinde 60 adam jáne 4 tehnıka bar. Sondaı-aq, TJM buıryǵyna sáıkes qajet bolǵan kezde M.Ǵabdýllın atyndaǵy azamattyq qorǵaý akademııasynyń 11 qyzmetkeri men kúndizgi oqý fakýltetiniń 50 kýrsanty jáne 5 arnaıy tehnıka jumyldyrylatyn bolady. Kókshetaý qalasynyń áýejaıynda Qazavıaqutqarýdyń Mı-171 tikushaǵy kezekshilikte tur», - dep qosty Erden Berlibekov.
Osy rette, sý tasqyny jaǵdaıy kúrdelene túsken aýdandarǵa ózge aımaqtardaǵy TJD kúshteri men quraldaryn baǵyttaý josparlanyp otyr.
Aıta ketsek, Aqmola oblysyndaǵy Kýpchanovka aýylyna qazaqsha ataý berilmek.
