Aqmola oblysynda muz opyrylyp, balyqshylardyń kólikteri sýǵa túsip ketti
KÓKShETAÝ. QazAqparat - Aqmola oblysynda muz opyrylyp balyqshylardyń kólikteri sýǵa túsip ketti, dep habarlaıdy QazAqparat tilshisi.
Bul týraly WhatsApp messendjeri arqyly vıdeojazba tarady. Onda «Toıota Lend Krýzer», «Leksýs» jáne «Nıva» tárizdi jol talǵamaıtyn kólikterdiń bel ortasynan muzdy sýǵa batyp turǵanyn kórýge bolady. Vıdeoda ondaǵan adamdar «Belarýs» traktorynyń kómegimen kólikterdi biriniń artynan birin sýdan súırep shyǵarýda. Vıdeo avtory oqıǵanyń Zerendi aýdanynda bolǵanyn aıtady.
Bul týraly Aqmola oblystyq TJD baspasóz qyzmetine habarlasyp suraǵan edik. Ondaǵylar oqıǵanyń Zerendi aýdanynda bolǵanyn rastady.
«Zerendi aýdandyq TJ bóliminen surastyryp bildik. Olar oqıǵanyń Zerendide bolǵanyn aıtty. Tek, balyqshylar qutqarýshylardyń kómegine júginbeı, óz kúshterimen kólikterin alyp shyqty. Sol sebepti budan ózge aqparat aıta almaımyn», - dep túsindirdi TJD baspasóz qyzmetindegiler.
