Aqmola oblysynda MRT kabıneti ashyldy
KÓKShETAÝ. QazAqparat – Aqmola oblysynyń ákimi Ermek Marjyqpaev Kókshetaýdaǵy oblystyq kópbeıindi aýrýhanada bolyp, magnıtti-rezonansty tomografııa kabınetiniń ashylý rásimine qatysty, dep habarlaıdy QazAqparat tilshisi oblystyq ishki saıasat basqarmasyna silteme jasap.
Signa Creator magnıtti-rezonansty tomografynyń qýaty 1,5 Tesla, al quny 568 mıllıon teńge. Oblystyq ákimdiktiń qoldaýymen jergilikti bıýdjetten bólingen qarjyǵa satyp alynǵan.
Oblystyq kópbeıindi aýrýhananyń bas dárigeri Nurlan Jarovtyń aıtýynsha, bul tomografııa apparaty «gelıdiń nóldik býǵa aınalýy» tehnologııasynyń arqasynda qıyn jaǵdaıda da aýrýdyń naqty kórinisin bilýge múmkindik beredi.
«Eń bastysy, mindetti áleýmettik medıtsınalyq saqtandyrý júıesi aıasynda MRT zertteýi tegin júrgiziledi. Ol úshin turǵyndar óz ýchaskelerinen joldama alýlary qajet. Medıtsınalyq saqtandyrý jarnasyn aýdarmaıtyn tulǵalar dıagnostıkany aqyly óte alady», - deıdi Nurlan Jarov.
Aıta ketsek, búgingi tańda bul Aqmola oblysyndaǵy bıýdjettik uıymdaǵy jalǵyz magnıtti-rezonansty tomograf.
